geet

सन-सन बसात बहई,
धक्-धक् करेजा में,
लगाई पिरितिया के बाण,
हाय राम,
मौन परल आई हमरा गाम.....हाय राम

चम्-चम् इजोरिया में,
चमकई बिजुरिया,
कछ-मछ करैया पराण,
हाय राम,
मौन परल आई हमरा गाम...हाय राम

तन-मन सिनेहिया लै,
काटय अहुरिया,
भय गेलौ हमहूँ अकान,
हाय राम,
मौन परल आई हमरा गाम...हाय राम

टूक-टूक ताकैत हेती,
बाट ओ बहुरिया,
नई छई विरह के निदान,
हाय राम,
मौन परल आई हमरा गाम... हाय राम

जग-मग जगाबइ छई,
प्रितक सिनेहिया,
फगुवा हो प्रीतम के नाम,
हाय राम,
मौन परल आई हमरा गाम...हाय राम

पंकज झा