हम फरिछा क की कहब,
जौ तोही नई बुझब,
हम गरिया क की कहब,
जौ तोही नई बुझब,
बुझइ लेल त मात्र,
ईशारा काफी छई,
हम थोपिया क की कहब,
जौ तोही नई बुझब।
"पंकज"

सुनु मिथिला के नारी
आहाँ नई छी बेचारी
जागु जागु आहाँ छी महान हे
सब धिया छथि सीता सामान हे

जनक नंदनी प्यारी
जानकी बड़ दुलारी
सिया सहली बहुत अपमान हे
सब धिया छथि सीता समान हे

राम संग वनवाशी
स्वामी केर बनी दाशी
सिख देली पतिव्रता के ज्ञान हे
सब धिया छथि सीता समान हे

सिया धिया सुकुमारी
सहली दुःख बड़ भारी
रखली मान सदा श्री राम के
सब धिया छथि सीता सामान हे